الشامي يهدد فنانة

خرج الفنان الشامي عن صمته ورد على تصريحات إنجي خوري اللي أثارت ضجة كبيرة، وأدّعت فيها أنن كانوا متزوجين بالسر، وأنها كانت حامل منو بتوأم.
إنجي أدّعت أنو الشامي هو ايللي طلب منها تتحجب، وأنها ما تحكي لحدا عن علاقتن، قالت إنو كان بيحبها كتير ورغم انها تخلصت من حملها منه وبعدت عنو، إلا أنو لسه بيلاحقها، وما عم يتركها بحالها.
الشامي سخر من كلام إنجي برسالة نشرها على ستوري بإنستجرام، وكتب: شو هالبطل الشامي.. توأم بفرد مرة، ورجع نشر رسالة بلهجة حادة هدد فيها إنجي بمقاضاتها، وكتب فيها: هلق أنا فيني قاضيكي وبهدلك، بس واضح إنك مالك بأحسن فترات حياتك، الله يخفف عنك ويساعدك.
الفنان الشاب عاب على الصحف ياللي نقلت عن إنجي تصريحاتها الجريئة دون العودة له أو التأكد من صحتها، وكتب: طبعاً المشكلة مش فيها، المشكلة بالإعلام والصحافة يلي ناشرين الخبر، ووصلو هيك كلام سخيف للناس.. كلكم مصداقية ما شاء الله عليكم.
الغريب أنو الشامي ما كان أول حدا يتربط اسمه باسم إنجي خوري، فسبق وأثارت إنجي جدل كبير بسبب تصريحاتها عن الفنان الأردني المعتزل أدهم النابلسي، بعد ما عبّرت بشكل علني عن إعجابها فيه وطلبت الزواج منه عبر فيديوهات نشرتها على مواقع التواصل.
إنجي قالت وقتها إنها مستعدة “تتوب وتلبس الحجاب وتبتعد عن السوشال ميديا” إذا وافق على الزواج منها، وبعد الانتقادات رجعت وأكدت إنها كانت جديّة بكلامها وما كانت عم تمزح، وبعدها استمر اسم أدهم يرتبط بتصريحات ومنشورات مثيرة للجدل من طرفها.